Gjatë fjalës së tij në prezantimin e portalit “Infermierë për Shqipërinë”, Kryeministri Edi Rama tha se do marrë fund emërimi i infermierëve në bazë të bindjeve politike. Kryeministri i Shqipërisë, Edi Rama gjatë fjalës në prezantimin e portalit “Infermierë për Shqipërinë” theksoi se do të marrë fund emërimi i infermierëve në bazë të njohjeve apo ndërhyrjeve politike.
Sipas Ramës, kjo strategji e re do të ofrojë mundësi reale punësimi, e cila është e bazuar në kriteret e përfaqësimit mbi bazën e meritave dhe dijeve personale të kandidatëve. Ai tha se është e rëndësishme që t’i gjejmë punës njeriun dhe jo anasjelltas.
Ndërkohë Rama paralajmëroi se të gjithë mjekët specialistë që zgjedhin të shkojnë në rrethe do të kenë një pagë prej 2.5 milionë të vjetra dhe kësaj shume do t’i shtohet edhe ajo që merr në Tiranë. Ai tha se ka 420 vende pune për infermierët.
“Kush do të pranojë mjekë specialist në rrethe,ai do marr deri në 2.5 milionë leket të vjetra plus rrogën që merr në Tiranë. Ju duken shumë, por plaga është shumë më e madhe me mungesën e tyre. Nuk kam asnjë lajm të keq për ju, përkundrazi kam një lajm shumë të mirë që ashtu sikurse bëmë me mësuesit më parë do bëjmë edhe për infermierët, pra shpëtimin nga kthetrat partiake dhe askush nuk do lëvizet nga vendi i punës për arsye politike. Pra tepsinë e çojmë për skrap. Çdo infermier do rekrutohet në bazë të meritës tek portali. Ne arritëm që mësuesit të nxjerrim të parët nga kthetrat partiakë. Janë 420 vende vakante për infermierët, por i refuzuam”-theksoi Rama.
