Kryeministri Edi Rama akuzoi aleatin e tij, Ilir Meta se po mbron kauzën e kreut të PD-së, Lulzim Basha. Sipas tij, Meta po i jep oksigjen çadrës.
“Për mua Ilir Meta e mendon gabim që synon ta stimulojë oksigjen çadrës. Kur thotë që nuk hyj dhe unë në zgjedhje pa PD, do të thotë që edhe Ilir Meta në çadër. Do të vijë të hyjë edhe LSI në çadër.”
Ndërsa më herët kryeministri Edi Rama i ka kërkuar sërish kreut të PD-së Lulzim Basha që të ulen për të arritur një marrëveshje me qëllim zgjidhjen e krizës politike. Ndërsa vetë Partinë Demokratike e ka cilësuar si parti e rënë në krizë nervore me kërkesat e saj.
“Jam i gatshëm të ulem me Bashën për të diskutuar gjithçka. I lutem kryetarit të PD-së që të vijë e të flasim. Nëse do dialog pa kushte, le të vijë. Ky kërkon çelësat e zyrës te çadra. Ndërsa ai thotë se është komplot. Kjo është krizë nervore e PD-së. Nuk ka një njeri normal që të kuptojë opozitën. Hajde të flasim dhe të dëgjohemi e të diskutojmë.”u shpreh Rama në emisionin “Të Paekspozuarit” në News 24.
