Zyra e Prokurorit të Rrethit në Los Angeles po shqyrton një rast kundër krimit seksual ndaj Sylvester Stallone, tha të mërkurën zëdhënësi Greg Risling.
Por autoritetet nuk kanë dhënë detaje në lidhje me rastin në fjalë por janë shprehur se për këtë çështje ka folur policia e Santa Monicas të Kalifornisë.
Reagimi i aktorit ishte i menjëhershëm. Avokati i tij duke folur për CNN tha se Stallone i mohon në mënyrë kategorike këto akuza.
“Është e papranueshme që autoritetet e kanë bërë këtë informacion publik, pasi bën që publiku i gjerë të mendojë se ka diçka”, tha avokati Martin Singer.
Sipas tij, gruaja që ka bërë ankesën kishte pasur një lidhje konsensuale me klientin e tij në 1980-n. “Është e papërshtatshme që të përpiqesh të dëmtosh dikë në këtë mënyrë”, tha avokati më tej.
Stallone mori famë në 1976-n, me filmin fitues të çmimit Oscar dhe u shndërruar në një prej aktorëve më të mëdhenj të Hoollywood.
