Edhe Mali i Zi është skeptik lidhur me shkëmbimin dhe ndryshimin e territoreve në Ballkan. Qëndrimi u bë i ditur nga ministri i Jashtëm malazez, Srdjan Darmanovic, i cili tha se Mali i Zi ka rezerva lidhur me idenë e ndryshimit të territorit në rajon, por në rast se Serbia dhe Kosova pajtohen, vendimi i tyre do respektohet.
“Ne mbështesim çdo dialog mes Serbisë dhe Kosovës. Ne kemi rezerva tona vetëm në lidhje me parimin e zgjidhjes së problemit nëse bazohet në shkëmbimin e territorit”, tha ai për Zërin e Amerikës.
Darmanoviç komentoi gjithashtu nënshkrimin e protokollit mbi pranimin e Maqedonisë në NATO, të cilin e cilësoi si një lajmi të madh.
“Kjo e stabilizon më tej rajonin”, tha ai.
Darmanoviç shtoi gjithashtu se Bashkimi Evropian duhet të jetë aktiv nëse dëshiron që Ballkani Perëndimor të bëhet pjesë e Evropës.
