Ndonëse pak ditë më parë, kryeministri Rama ka të lënkuptohej rikandidimi i Veliajt për Bashkinë e Tiranës, gjithnjë e më shumë po shtohen zërat dhe brenda PS-së.
Pas Taulant Ballës, Elisa Spiropalit dhe Mimi Kodhelit, edhe zv/kryeministri Erion Braçe deklarohet në favor të një mandati të dytë të Veliajt në Tiranë.
I ftuar në emisionin “Përballë” të gazetarit Lutfi Dervishi në TVSH, Braçe theksoi se Erion Veliaj duhet të jetë kandidati i PS për Tiranën.
“Të jesh i bindur se nuk do të cedoj as në këtë pikë, nga thënia e mendimit tim. Jemi një parti politike, dhe duhet të jemi të barabartë apo të baraslarguar nga çdo kandidat i mundshëm. Me një fjali, për mua Erion Veliaj duhet të jetë kandidati i PS për kryetar të Bashkisë së Tiranës”, tha më tej ai.
