Goli që i dha mundësinë Sampdoria të barazonte kundër Lazio, në minutën e 99 të takimit, shkaktoi një entuziazëm aq të çmendur tek Riccardo Saponara, sa për të mos e kuptuar që një nga shokët e skuadrës po i hiqte nga trupi edhe gjënë e fundit që i kishte mbetur: mbathjet, duke e lënë krejt të zhveshur të festonte me tifozët.
Në Instagram mesfushori ofensiv i dorianëve ka treguar në mënyrë simpatike fajtorin: “Faleminderit të gjithë shokëve që ndanë me mua këtë moment çmendurie kolektive e mbi të gjithë ata maskarain, Lorenzo Tonelli, që më la pa mbathje”.
