Gjykata e Krujës ka caktuar sot masën e sigurisë për dy vëllezërit Sajmir dhe Landi Miri, të cilët dyshohet se vranë fqinjin e tyre Indrit Ndoji.
Gjykata vendosi masën e sigurisë “Arrest me burg” me afat 60 ditë për vëllezërit, të dyshuar si autorë të vrasjes së fqinjit të tyre Indrit Ndoj në Fushë-Krujë.
Dy vëllezërit para hetuesve kanë shprehur pendim. Ata kanë theksuar se nuk kishin për qëllim të vrisnin 34-vjeçarin, por situata u ka dalë nga duart, pasi sipas tyre Indrit Ndoj i ka sulmuar fizikisht.
Ata kanë rrëfyer se në momentin që janë larguar, Ndoj ka qenë gjallë.
Trupi i pajetë i viktimës u gjet në një kanal nga familjarët e tij, teksa po shkonin në punë. Indrit Ndoj ishte i njohur për uniformat blu si përdorues droge. Në shtator të 2021 ai është arrestuar për “trafik të qenieve njerëzore”, pasi është kapur duke trafikuar 19 sirianë drejt Kosovës.
