Mëngjesin e sotëm, është gjetur një grua pa jetë pranë liqenit të Sharrës. Tashmë kanë dalë detaje të reja lidhur me ngjarjen, teksa kemi të bëjmë me një vrasje. Kjo pasi në trupin e gruas janë gjetur plagë plumbi.
Dyshohet se ajo është qëlluar me armë rreth 3 herë në pjesën e kokës. Sipas informacioneve të para, mendohet se vrasja ka ndodhur në 24-orëshin e fundit. Megjithatë, pritet ekspertiza për të saktësuar detaje të reja.
Ende nuk dihet identiteti i gruas së vrarë, e cila mendohet se është rreth 40-45 vjeçe, ndërsa policia është njoftuar nga banorët të cilët kanë parë trupin e saj në ferra.
Vijojnë hetimet për zbardhjen e ngjarjes së rëndë.
