Tashmë është bërë klishe fraza se meshkujt nuk arrijnë që të kuptojnë femrat. Kjo tezë jo gjithmonë përkrahet nga të gjithë, por një studim i fundit e vë më në dukje këtë përfundim.
Tashmë është e vërtetuar shkencërisht se pse burrat nuk arrijnë dot që të futen ‘nën lëkurën’ e një femre, për të arritur që ti kuptojnë. Duke iu referuar një studimi të kryer nga Universiteti i Kembrixhit, burrat janë më pak të ndjeshëm se gratë, që do të thotë se nuk kanë aftësinë për t’u lidhur me atë që të tjerët ndjejnë.
Në këtë hulumtim, ku ata analizuan ADN-në nga gati 47,000 njerëz për të gjetur variacione gjenetike, u konstatua se gratë shënuan dhjetë pikë më shumë se meshkujt në fushën e ndjeshmërisë. Sigurisht që për këtë përfundim ka edhe një sqarim.
Kërkuesit janë të mendimit se faktorët socialë mund të kontribuojnë në nivelet e ndjeshmërisë së një personi. Më konkretisht, gratë janë edukuar të jenë më të kuptueshme se burrat.
