Në ndeshjen mes Flamurtarit dhe Vllaznimit në kampionatin e Kosovës, ka ndodhur një episod antifutbollistik. Tifozët e ekipit vendas kanë vërshuar në fushën e lojës duke goditur lojtarët e ekipit mik pasi kishin barazuat ndeshjen në minutat e fundit. Kjo përballje ka pasur gjithmonë incidente të tilla, pasi një vit më parë kur ndeshja zhvillohej në fushën e Vllaznimit, tifozët kishin dhunuar lojtarët e ekipit mik.
https://www.facebook.com/GazetaARENA/videos/1472764656137173/
Fillimisht në fushën e lojës zbret vetëm një tifoz i maskuar dhe godet njërin nga lojtarët që po festonin golin, më pas situata ka dalë jashtë kontrollit. Ka pasur përplasje mes tifozëve dhe policisë që ishte e pranishme për mbarëvajtjen e ndeshjes, por nuk ka mbaruar me kaq sepse tifozët kanë depërtuar policinë dhe kanë pasur përleshje fizike me lojtarët e Vllaznimit të cilët janë mbrojtur nga ata vendas. Kjo situatë ka zgjatur për disa minuta dhe pasi është vendosur qetësia ekipi mik është larguar dhe është sulmuar sërish me gurë autobusi i tyre.
