27 ton mish që vinte nga Brazili është bllokuar pasi përmbante salmonelë. Autoriteti Kombëtar i Ushqimit në një njoftim për mediat ka bllokuar një kontejner me ngarkesë rreth 27 ton mish( fileto pule) që vinte nga Brazili dhe pas analizimit të mostrave kanë rezultuar me prezencë salmonele.
AKU ndaloi hyrjen e ngarkesës në sasinë 27 ton mish ( fileto pule) në teritorin e Shqipërisë dhe kthimin e saj në vendin e origjinës.
Njoftimi: Konkretisht, trupat inspektuese e DRAKU, Durrës ka bllokuar një kontejner me ngarkesë rreth 27 ton mish( fileto pule) që vinte nga Brazili dhe pas analizimit të monstrave kanë rezultuar me prezencë salmonele.
Sa më sipër, Aku ndaloi hyrjen e ngarkesës në sasinë 27 ton mish ( fileto pule) në teritorin e Shqipërisë dhe kthimin e saj në vendin e origjinës.
Gjatë këtij viti nga AKU janë bllokuar e kthyer në origjinë edhe 7 kontejnerë të tjerë, me 180 tonë mish. Numri total i ngarkesave të importuara nga Brazili gjatë kësaj periudhe të vitit është 259 kontejnerë; secili prej të cilëve është kontrolluar e analizuar me rigorozitet.
Kontrollet efikase të shoqëruara me cilësinë e analizave janë garanci e plotë, që produktet që futen në treg janë të sigurta.
Ky është rasti i dytë pas atij të majit të vitit të kaluar, ku një ngarkesë e madhe prej 26 tonësh me mish pule nga Brazili, e mbërritur në Shqipëri rezultoi me përmbajtje të Salmonelës.
