Të sigurosh një vend pune, jo gjithmonë është e lehtë. Disa u ndriçon fati, e për shumë të tjerë duhet të enden sa në një biznes në tjetrin, për t’ia arritur qëllimit. Por kur përballen me drejtuesit, femrat janë ato që stepen dhe kanë frikë të tregojnë për statusin e tyre.
Studimet e fundit kanë treguar se pothuajse një nga tre femra e heqin unazën e fejesës, apo martesës, para një interviste pune. Sipas kërkimeve nga ‘Credit Angel’, rreth 30% e femrave përpiqen t’i parandalojnë diskriminimet e tilla, duke e hequr unazën e martesës apo fejesës para një interviste pune.
Kjo sepse, siç sugjeron studimi, është indikator që gruaja është më e prirë sesa kandidatët e tjerë që të mbetet shtatzënë, dhe të kërkojë pushim.
