Gjykata e Vlorës ka caktuar masën ‘arrest shtëpie’ për presidentin e Turbinës, Gentian Gjoka. Mësohet se masa është caktuar ditën e shtunë, për akuzën “Mashtrim”.
Gjoka u zbulua nga policia pas informacioneve se ai qarkullonte me armë zjarri. Policia iu vu në ndjekje dhe e lokalizoi në rrugën “Medar Shtylla” në kryeqytet. Falë ndërhyrjes në kohë, është bërë e mundur kapja e tij.
Operacioni sipas policisë u bë pas informacioneve nga qytetarët, se një person në kërkim qarkullonte me armë zjarri. Pas lokalizimit, ai u prangos në rrugën “Medar Shtylla”. Më pas nga verifikimet rezultoi se Gjoka ishte i shpallur në kërkim për llogari të policisë së Vlorës për “Mashtrim”. Edhe pse në kërkim ai lëvizte i qetë dhe madje i armatosur në një nga zonat më të frekuentuara në Tiranë.
