Vajza e cila u sulmua me acid vite më parë, teksa po dilte nga shtëpia e saj, ka përcjellë më në fund një lajm të mirë për shëndetin e saj. Mjaft e entuziazmuar, Vilma Dule, përmes profilit të saj në Facebook, ka njoftuar se pas 5 viteve me mjekime, ajo është drejt shërimit total.
31-vjeçarja e cila punonte menaxhere e burimeve njerëzore pranë një call center-i në Tiranë, u është nënshtruar ndërhyrjeve të shumta kirurgjikale.
Vilma vazhdimisht është munduar të japë mesazhe të rëndësishme që lidhen me vazhdimësinë e jetës, duke dëshmuar se asnjëherë nuk duhet të dorëzoheni.
