Gazetari Bejdo Malo, i ftuar në “360 Gradë” në “Ora News”, tha se studentët protestues janë shtresa më e varfër në vend, dhe se ata nuk mbështeten nga asnjë parti politike.
Ai tregoi për një paradoks që ndodh rëndom në Shqipëri. Ndonëse qytetarët kanë mjaft pakënaqësi nga mënyra sesi qeveris Rama, janë po ata që presin për të marrë shpërblimin monetar kundrejt një vote.
“Studentët e vërtetë janë këtu, dhe fëmijët e ministrave studentë janë jashtë. Këta janë studentët e njerëzve më të varfër. Nuk i mbështet njeri. As partitë politike. As PD dhe as LSI-ja. Bëjnë një paragol të vogël, dhe i lënë në baltë.
E shajmë Edi Ramën nga mëngjesi deri në darkë, dhe atë ditë në votime presim gjysmë ore për atë 20 mijë lekëshin. Edhe kjo e studentëve është një lloj votimi për shqiptarët”.
