Gazetari afgan Nadir Shah Sahibzada është gjetur i vrarë në krahinën Paktiya të Afganistanit. Raportohet se fillimisht gazetari ishte rrëmbyer nga persona ende të paidentifikuar dhe më pas është ekzekutuar. Lajmin për vdekjen e Nadir Shah Sahibzada e konfirmoi dhe kryeredaktori i radios “Zëri i Gardiz-it”, në të cilën viktima punonte. Jalalzey thekson se Sahibzada nuk ka pasur probleme dhe as mosmarrëveshje me askënd.
Ende nuk dihet motivi për vrasjen e tij, ndërkohë vlen të theksohet fakti se duke iu referuar të dhënave të “Zyrës nacionale për mbështetje të lirisë së mediave”, gjatë vitit 2019-të, në Afganistan janë vrarë gjashtë gazetarë për shkak të detyrës.
