Në mëngjesin e ditës së sotme peshkatarët kanë nxjerrë në bregdet një breshkë gjigante e cila peshon afro 400 kg.
Breshka ka rënë në rrjetat e peshkatarëve të familjes Cali në lagunën Patok, ndërsa kanë lajmëruar studiuesin e gjallesave detare Prof. Dr. Idriz Haxhia i cili ka përcaktuar prejardhjen e breshkës, që sipas tij breshka ka mbërritur në bregdetin e Patokut nga oqeani Atlantik, ndërsa diametri prej 1.34 m i vetëm guaskës tregon se përmasat janë të mëdha dhe ndër breshkat e rralla të zbuluara në bregdetin tonë. Studiuesi Haxhiu e ka matrikulluar breshkën dhe më pas është hedhur në det.
Zona e Lagunës së Patokut është e njohur në dhjetë vitet e fundit zbulimin e gjallesave detare sidomos të dy llojeve breshkave Kelonia Midea dhe Kareta- kareta.
Vitin e kaluar një breshkë me po të njëjtën madhësi është shfaqur në veri të grykëderdhjes së Lumit Ishëm, në drejtim të lagunës së Patokut.
