Eksploruesit Daniel Caron dhe Luc Le Blanc, të cilët kishin hobi të zhvillonin hulumtime në shpellën Saint-Leonard në lindje të Montrealit, zbuluan një kalim nëntokësor të ri të papërfunduar, me stalaktikë dhe liqenenë lindje të Montrealit në Kanada.
Ata zbuluan një kalim nëntokësor të ri të papërfunduar, i cili i ka rrënjët në një të shkuar shumë të largët, gati në kufijtë e pabesueshmërisë, por kjo është një e vertëtë tashmë e dokumentuar.
Në qytetin Montreal të Kandasë është gjetur shpella 15 vjeçare nën tokë për të cilën thuhet se i përket epokës së akullnajave, transmeton Anadolu Agency (AA).
Ata treguan se shpella e akullnajave, e cila ndodhet nën Parkun Pie XII të Montrealit, ka një formë të ngjashme me katedralen, Caron dhe Le Blanc. Sipas tyre rruga e kalimit për të arritur në shpellë, e cila parashikohet se është 15 mijë vjeçare, është në gjatësi prej të paktën 200 metrash, në lartësi prej 6 metrash dhe në gjerësi prej rreth 3 metrash.
Eksploruesit thonë se pjesa kryesore e shpellës është gjetur prapa murit të gurit gëlqeror, ndërsa se në pjesën kryesore kanë hyrë duke hapur një vrimë në madhësi prej rreth 1 metër, sa për të hyrë një njeri.
Carno dhe Le Blanc, të cilët e ndanë zbulimin e tyre me transmetuesin zyrtar të Kanadasë CBC, njoftuan se shpella vazhdon si një korridor i gjatë dhe se ende nuk e dinë se ku përfundon.
Duke bërë të ditur se në shpellë ndodhet një liqen nëntokësor në thellësi prej 5 metrash, eksploruesit Caron dhe Le Blanc thonë se “Njësitë gjeologjike, të cilat mund të depozitojnë ujë në një masë të madhe i quajmë akuiferë. Akuiferët janë shtresa të cilat mbajnë ujërat nëntokësore dhe të cilat kanë pore dhe depërtueshmëri të lartë. Mendojmë se edhe kjo është akuiferi i Montrealit”.
Gjithashtu eksploruesit thanë se me vite ishin në kërkim të një pjese të panjohur të shpellës St. Leonard, dhe se kjo shpellë u zbulua nëpërmjet këtij kërkimi.
Ata rikujtuan se pjesa kryesore e shpellës St. Leonard është e hapur dhjetëra vite më parë për qytetarët. Caron dhe Blanc thonë: “Por, askush nuk e dinte se një pjesë e madhe ndodhet e fshehur prapa murit gëlqeror”.Planifikohet që shpella të hapet për qytetarët dhe eksploruesit në një të ardhme të afërt.
