Dalin detaje të reja lidhur me dhunimin e shefit të regjimit në burgun 313, Bledar Pura. Ky i fundit u godit dje me shkop bejsbolli sapo ka dalë nga shtëpia, rreth orës 06:30 të mëngjesit, në zonën e Freskut.
Aktualisht, gjendja e Pirës është përmirësuar, ndërsa ndodhet në pavionin e Neurokirurgjisë në spitalin e Traumës.
Dje është marrë dëshmia e Purës, i cili ka thënë në polici: “Kam qenë me kokën poshtë duke parë telefonin, dita nuk kishte zbardhur plotësisht. Një person me afrohet përballë dhe më godet në kokë, ndërsa 2 të tjerë nga pas. Nuk kam parë asgjë”.
Familjarët e Purës kanë deklaruar se ai nuk kishte konflikt me askënd. Mjekët po planifikojnë një ndërhyrje në krah për shkak të një frakture të rëndë.
