Një i ri shqiptar është në gjendje kome në spitalin e Marsejës në Francë. Ai është Florenc Beqiraj, i cili pasi është kapur nga policia është dërguar në qeli ku dyshohet se disa persona kanë tentuar ta mbysin. Kushërira e tij është shprehur se 23-vjeçari nuk vuante nga asnjë sëmundje, dhe kurrë ai nuk do të tentonte të vriste veten. Ajo pretendon se atë kanë dashur ta vrasin. Po ashtu dhe një miku i tij, është shprehur se shqiptarin kanë tentuar ta vrasin.
“E ka kapur policia pa letra. Brenda në policia ka ndodhur ngjarja. Ai ishte në paraburgim. Tek spitali thonë se ai ka vdekur, ndërsa zemra i punon. Ai ka ardhur për një jetë më të mirë. Doktorët nuk japin shumë shpjegime. Thonë që ka bërë vetëvarje. Zemra e tij akoma punon”, tha vajza e hallës së 23-vjeçarit për “News 24”.
