Një ngjarje e rëndë ka ndodhur sot në plazhin e Durrësit, ku një fëmijë 3-vjeçar ka humbur jetën pasi është mbytur.
Nga të dhënat paraprake mësohet se ngjarja është regjistruar mesditën e sotme, pranë zonës së quajtur “Iliria”.
I mituri ka qenë plazh së bashku me familjen e tij nga Kosova, kur është futur për t’u larë një moment duke i shpëtuar vëmendjes së prindërve.
Mësohet se fëmija është nxjerrë nga deti nga pushuesit dhe është dërguar menjëherë në spital, por nuk ka mundur të mbijetojë.
Në kohën që fëmija ka qenë në det, uji ka qenë i qetë dhe nuk ka pas dallgë, por prindërit nuk i kanë kushtuar vëmendje vogëlushit të tyre, i cili ka humbur jetën tragjikisht.
