Një aksident i rëndë ka ndodhur në Itali, ku si pasojë kanë gjetur vdekjen 2 të rinj shqiptarë, të dy të moshës 20 vjeç.
Sipas mediave italiane, viktimat janë Ergi Skënderi dhe Xhulio Kraja. Një mjet tip Renault, që drejtohej nga një grua italiane 30-vjeçare i ka përplasur dy të rinjtë, të cilët ishin duke ecur anës rrugës. Ngjarja ka ndodhur para diskotekës “Village”, në Piacenza të Italisë.
Mësohet se policia ka mbërritur menjëherë në vendngjarje dhe ka arrestuar italianen. Sipas raportit të policisë, 30-vjeçarja rezultoi se ka qenë duke i dhënë makinës në gjendje të dehur.
