E quajtën Ritën ‘kurvë’, shpërthen gazetari: Spurdhjakë! Shihni vajzat në mejhanet e Bllokut

Një natë më parë në Tiranë, këngëtarja me origjinë shqiptare Rita Ora mbajti një koncert, ku u ndodh nga shumë perona. Por përpos komenteve pozitive ka pasur dhe komete negative lidhur me performancën e saj por jo vetëm. E lidhur me gjithë këtë zhurmë, edhe gazetari Mentor Kikia ka shkruar disa rreshta.
Shkrimi
Lexova sot shumë qëndrime të njerëzve të ndryshëm për koncertin e Rita Orës. E gjeta kohën dhe durimin në fakt, enkas për të mësuar se deri ku shkon mbrapshtia e shumë njerëzve. Me pak fjalë, shumica e bënin Ritën fajtore se po u merrte shqiptarëve një shumë parash që ishte e taksave të tyre.
Ca të tjerë, e bënin fajtore që vjen e bën aheng në Tiranë, kur njerëzit kanë halle të tjera e s’kanë bukë për të ngrënë një pjesë. Disa të tjerë e përçmonin se doli në skenë e veshur jo në mënyrë serioze, se me ato “breçkat” e verdha po na çedukonte fëmijët. Madje një kritik këngëtaresh e kishte quajtur edhe kurvë (nga pikëpamja estetike).
Po mirë more njerëz, nëse Rita Ora ju ka marrë paratë, mos ua vodhi apo grabiti gjë? Nëse jeni vërtet të revoltuar se paratë tuaja prishen vend e pavend, dilni e protestoni. Tregoni sa të revoltuar jeni. Nëse jeni kaq të ”moralshëm” sa ua prishi moralin Rita Ora, shikoni se ashtu siç Rita doli të këndojë, vajzat po na shkojnë në shkollë, apo dalin për kafe mbrëmjeve nga mejhanet dhe aheng-hanet e Bllokut.
Rita Ora është një yll në rritje i këngës botërore. Është një vajzë që ka kapur majat e suksesit, që është e pasur, dhe sërish vjen e kërcen vallen e Rugovës duke u paguar në mënyrë modeste, dhe që nuk e mohon, por e pohon me zë të lartë që është shqiptare. Ndërsa këtu ka ca spurdhjakë, që dalin tre herë në televizor dhe i thonë vetës VIP e s’u flasin me gojë gjysmës së fisit e shoqërisë dhe shesin dëngla tërë ditën nëpër rrjetet sociale.
Suksese Rita Ora! Ata që të adhurojnë të ndoqën dhe u kënaqën.
I lumtë bashkisë, që edhe pse me ato para mund të kishte hedhur noj dorë asfalt, e solli në Tiranë. Pasi njerëzi kanë nevojë edhe të argëtohen.