Ish-kryeministrja e Ukrainës, Yulia Tymoshenko ka rezultuar pozitive në testin e bërë për koronavirus, ndërsa thuhet se është në gjendje të rëndë shëndetësore.
Raportohet se edhe bashkëshorti dhe vajza e saj janë prekur nga pandemia.
Tymoshenko është anëtare e parlamentit ukrainas apo Verkhovna Rada dhe drejtuese e Batkivshchyna, një nga partitë më të mëdha politike të vendit.
Ajo bashkëdrejtoi Revolucionin Portokalli dhe ishte gruaja e parë e emëruar kryeministre e Ukrainës, duke shërbyer në zyrë nga 24 janari deri më 8 shtator 2005 dhe përsëri nga 18 dhjetori 2007 deri më 4 mars 2010.
