Jemi mësuar që të shohim që ndërpriten ndeshje pasi në fushë futen tifozë për të takuar idhujt e tyre. Por në Gjeorgji ka ndodhur një rast i pazakontë, pasi një qen është futur në fushë duke ndërprerë ndeshje dhe vazhdon të luaj me futbollistët.
Qeni u fut në fushë dhe vrapoi drejt portierit teksa po luhej minuta e 71’ mes Topredo Kutaisi dhe Dila, gjest i cili tërhoqi vëmendjen e të gjithëve. Ai afrohet tek portieri dhe kërkon që të marrë si dhuratë një ledhatim, ndërsa vëmendja e takimit për pak çaste ishte tek qeni.
Rojet e stadiumit tentuan ta largojnë nga fusha e blertë, por kjo zgjati plot tre minuta. Skuadra gjeorgjiane është një emër i njohur të paktën për shqiptarët, pasi në ndeshjet për Europa League, ajo mundi skuadrën e Kukësit.
