Gjykata e Lartë holandeze ka mbështetur vendimin se Holanda ka qenë pjesërisht fajtore për 350 vdekje në masakrën e Srebrenicës në Bosnje. Sipas Gjykatës, shteti 10% detyrim, pasi ky ka qenë dhe probabiliteti që kishin ushtarët e saj për të parandaluar vrasjet.
Forcat serbe boshnjake vranë një total prej 8,000 burrash myslimanë në qytetin e Srebrenicës në 1995.
Holandezët po ruanin një zonë të sigurt të OKB-së kur ushtarët serbë zbarkuan. Ndërkohë, është e rrallë që një shtet të mbahet përgjegjës për dështimet në punën paqeruajtëse të OKB-së. Në vitin 2002, një raport për rolin e Holandës në Srebrenicë bëri që e gjithë qeveria holandeze të japë dorëheqjen.
Nëse forcat holandeze do t’u kishin dhënë mundësinë banorëve për të qëndruar në kampin e tyre, do të kishte 10% mundësi që ata të mos binin në duart e serbëve. Prandaj shteti holandez duhet të jetë përgjegjës për këtë pjesë, ishte ky vendimi i gjykatës.
Vendimi përfundimtar është vazhdim i një sërë betejave ligjore midis shtetit holandez dhe paditësve – një grupi të afërmish të viktimave. Të njohura si ‘Nënat e Srebrenicës’.
Rasti u përshkallëzua në Gjykatën më të Lartë sepse shteti donte të pastrohej nga përgjegjësia. Ndërsa ‘Nënat e Srebrenicës’ donin që shteti holandez të mbetej përgjegjës për të gjitha 8,000 vdekjet në masakër.
Një gjykatë e apelit kishte caktuar më parë përgjegjësinë në 30%, por vendimi i Gjykatës së Lartë e uli ndjeshëm këtë shifër./ Burimi: BBC Përshtati: TIRANA TODAY
