Familjarët e të dënuarve kanë gjetur mënyrat nga më të ndryshmet, për të fshehur objekte. Policia është treguar vigjilente, dhe ka zbuluar tre celularë brenda një tenxhereje me gjellë.
Tre celularët janë tentuar të futen në burgun e Lezhës. Mënyrat me të cilat tentohet të futen në burgje sende te ndaluara, po sofistikohen përditë e më shumë. Sikundër duket qartë edhe nga videoja, celularët ishin fshehur brenda një tenxhereje, bashkë me aksesorët përkatës.
Tenxherja ishte e mbushur me gjellë, dhe poshtë kishte një fund të dyfishtë.
Pas një kontrolli të imtësishëm të punonjësve të policisë së burgjeve, është bërë e mundur edhe gjetja e celularëve. Materialet e çështjes i kanë kaluar Prokurorisë së rrethit, për të vijuar hetimin e kësaj çështje dhe zbulimin e autorëve të saj.
