Skena të habitshme janë realizuar në finalen e kupës “Carabao”, pasi portieri i Chelseas, Kepa Arrizabalaga, në fund të kohës shtesë, nuk pranoi të zëvendësohet nga menaxheri Maurizio Sarri.
Trajneri italian tentoi të ndërronte portierin Kepa me portierin veteran argjentinas, Willy Caballero, teksa ndeshja përballë Manchester City po mbyllej në barazim pas 120 minutave lojë, pra para gjuajtjes së penalltive.
This is unbelievable! ??
⛔ Kepa refuses to be substituted
? Sarri loses his cool, throws a bottle and storms off down the tunnel!
Have you ever seen anything like this in a cup final before?!? ?? pic.twitter.com/uypwckJvhH
— Soccer AM (@SoccerAM) February 24, 2019
Por portieri, që kishte ruajtur portën të paprekur, në mënyrë të habitshme nuk iu bind trajnerit. Trajneri Maurizio Sarri shihet në video se si vihet shumë në siklet nga kundërshtimi i portierit.
Kepa ja del mbanë në këmbënguljen e vet. Ai nuk del nga fusha, por njëkohësisht nuk ja del të çojë skuadrën drejt fitores, pasi lojtarët e Manchester City i gjuajnë më mirë penalltitë, duke fituar me rezultatin 4-3.
TIRANA TODAY
