Një vajzë po kërkon një të dashur besnik dhe është e gatshme që ta paguajë atë. Bëhet fjalë për Jane Park, e cila në moshën 17-vjeçare fitoi lotarinë me një shumë marramendëse që kapte shifrën 900 mijë euro. Pasi fitoi lotarinë në 2013-ën, vajza ‘shpërtheu’ duke shpenzuar para në makinë luksoze, pushime të shtrenjta apo kirurgji plastike.
Pas disa lidhjeve të dështuara, 23-vjeçarja po hap një faqe interneti ku çdo person mund të aplikojë për t’u bërë i dashuri i saj, për një pagesë vjetore prej 70 mijë eurosh.
Sipas The Mirror, procesi i intervistave do të filmohet në një seri dokumentare vitin tjetër.
“Jane është e mahnitshme dhe ka shumë për të dhënë, por ajo është e vetmuar dhe që kur fitoi lotarinë, ka pasur një fat të tmerrshëm. Ajo nuk është kurrë e sigurt nëse njerëzit e duan për atë që është, apo për bilancin e saj bankar. Pra, ajo do të preferonte që marrëveshja të ishte e hapur. Janë ka një tendencë për të qenë e pasigurt herë pas here dhe shqetësohet për motive e njerëzve”, tha një burim i afërt me të renë.
Pas lajmit, menjëherë kanë shpërthyer komentet nga më të ndryshmet. Një nga komentuesit thotë se është i gatshëm të lidhur me të dhe se nuk do e tradhtonte kurrë. Nuk kanë munguar as komentet negative, teksa një person shkruan se asnjë nga aplikuesit nuk vlen përderisa ata po ‘nxjerrin në shitje’ veten e tyre për disa mijëra euro.
Një tjetër tha: “Dua të dal me të dhe ta njoh. Unë nuk kam nevojë për para dhe vërtet që e dua atë, ajo duket kaq e bukur”./ Përshtati TIRANA TODAY
