“Shiko këtu, në kokë”, këto ishin fjalët e dy heronjve që shpëtuan një të moshuar në Itali. Shqiptari Nik Muça ishte duke i ardhur në ndihme një të moshuare në spital kur ata kanë qenë në ashensor ka ndodhur një incident.
Shqiptari për të shpëtuar 93-vjeçaren nga incidenti që u ndodhi në ashensor, ku është kthyer në një mburojë për të, duke bërë që ai të merrte disa lëndime trupore.
Megjithëse ai mori lëndime, fatmirësish ato ishin të lehta për 58-vjeçarin shqiptar Nik Muca, një vullnetar i Misericordia e Asciano. “Kënaqësinë e madhe është se ne mbrojtëm gjyshen 93 vjeçe”. Shqiptari ishte bashkë me kolegun e tij Silvio Angelin, i cili e ndihmoi.
“Ne u emocionuam shumë kur arritëm që ta shpëtonim. Unë kam qenë këtu që nga viti 1990, kam jetuar në Asciano jam martuar dhe kam katër fëmijë, dhe unë jam një qytetar italian”, pohon ai.
“Siç kemi thënë, ne kishim marrë një grua 93-vjeçare për të bërë një vizitë dermatologjike. Vajza e saj na priste me një mjek. Ne do ta dërgonim atë tek mjekësia bërthamore”.
Çfarë ndodhi?
“Sapo dola nga ashensori, pashë lart. Një copëz tavani e madhe u shemb dhe ra mbi ne, dhe një tjetër dhe një tjetër. Unë e kisha gjyshen në karrige me rrota. U shkriva si mburojë sipër të moshuarës për ta mbrojtur. Gjithçka që binte nga lart ishte e rëndë. Unë mora disa lëndime. Por kënaqësia është se gjyshja mbijetoi”./Tirana Today/
