Fotoja e Omran Daqneesh, vogëlushit nga Aleppo bëri bujë vjet në gusht. Ai u kthye në simbol të vuajtjeve të këtij qyteti sirian si pasojë e regjimit të ashpër të Assadit.
Fotoja e tij thuajse i ngrirë nga shikimi për shkak të asaj që kishte përjetuar, i mbuluar me pluhur dhe me gjak, u shpërnda në të gjithë botën.
Tashmë, 5-vjeçari Omran i është kthyer jetës normale, ku duket edhe nga fotot e publikuara së fundmi.
Ai është fotografuar me familjen e tij, i shëndetshëm dhe i lumtur.
Familja e Omran u intervistua në Aleppo nga Al-Mayadeen, një televizion libanez, mbështetës i regjimit të Assadit.
Gazetarja Kinana Allouche, gjithashtu mbështetëse e regjimit të Assadit, publikoi një foto me Omran, ku shkruante:
“Fëmija Omran, ata që u përpoqën të derdhin gjakun sirian mashtruan me lajmin se ai u godit nga ushtria arabo-siriane. Tani ai jeton në shtetin sirian me ushtrinë e tij, me liderin dhe me njerëzit e këtij shteti”.
[ngg_images source=”galleries” container_ids=”177″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
