Gjykata e Korçës ka lënë në burg juristin e Hipotekës në Korçë, shtetasin Elvis Gjata, pasi akuzohet për ‘mashtrim kryer në bashkëpunim’. Ai i kishte marrë nëpërmjet mashtrimit 8 mijë euro një gruaje nga Librazhdi, për të ndërhyrë për një çështje gjyqësore. Burime nga ana e policisë bëjnë me dije se në kërkim janë shpallur dy shtetas, ku në bashkëpunim me njëri-tjetrin, dyshohet se në muajin maj të vitit 2018, i kanë përvetësuar shumën prej 8 mijë eurosh, me qëllim zgjidhjen e një problemi gjyqësor, shtetases D.H, 36-vjeçe, banuese në Librazhd.
“Specialistët e Seksionit kundër Krimit Ekonomik-Financiar, në Drejtorinë Vendore të Policisë Korçë, bënë ndalimin e shtetasit Elvis Gjata, 31-vjeç, banues në Korçë. Si edhe filloi procedimi penal dhe u shpallën në kërkim shtetasit E.F, 32-vjeç dhe K.G, 30-vjeç, të dy banues në Korçë.
Pasi këta shtetas në bashkëpunim mes tyre, nëpërmjet mashtrimit, dyshohet se në muajin maj të vitit 2018, i kanë përvetësuar shumën prej 8 mijë euro, me qëllim zgjidhjen e një problemi gjyqësor, shtetases D.H, 36-vjeçe, banuese në Librazhd”.
Materialet për veprime të mëtejshme i kaluan Prokurorisë së Rrethit Gjyqësor Korçë.
