Pas deklaratës së bujshme se nuk ia vlen të martohesh me futbollist, modelja shqiptare Erjona Sulejmani hedh ‘shashkën’ e radhës. Së fundmi ajo është pyetur nga fansat nëse do të rikthehej me Blerim Xhemailin, dhe përgjigjja ishte e prerë. Ajo shprehet se nuk i pëlqen që ti përsërisë gjërat në jetën e saj.
“Është një pyetje që ma bëni gjithmonë, po përgjigjem një herë e mirë për të gjitha. Nuk më pëlqen t’i përsëris gjërat në jetën time, dhe aq më pak të besoj te supa që ngrohet disa herë. Ne e respektojmë njëri-tjetrin, për rolin që kemi si prindër të Luanit”.
#erjonasulejmani #theloftcorralejo
E pyetur nëse martesa e tyre përfundoi për arsye tradhtie, Erjona iu përgjigj: “Jo, jo, nuk ishte ky motivi”. Pas ndarjes nga futbollisti, Erjona u shpreh se e la pasi nuk e kënaqte në shtrat. “Futbollistët s’të kënaqin. Lodhen në stërvitje, në fusha, dhe në shtrat janë shumë të lodhur”, u shpreh Sulejmani.
Erjona Sulejmani, ka deklaruar një vit më parë në “Top Show Magazine”, se “absolutisht nuk ia vlen të martohesh me futbollist”.
“U jap një këshillë vajzave: bota e futbollistëve duket e bukur, por kur je brenda është ndryshe. Unë kam shkruar dhe një libër, ku do i mësoni të gjitha. Libri do të dalë shumë shpejt”, deklaroi modelja shkodrane.
Erjona e përshkroi jetën e saj me ish-bashkëshortin, si brenda një “kafazi të artë”.
“Më parë kam qenë e mbyllur në një kafaz të artë, por leku nuk të jep gjithçka. Unë kam refuzuar shumë për karrierën time, tani jam më e lirë dhe mund të pranoj ato që kam refuzuar më parë.
Kur lidhesh me futbollist, njëri prej të dyve duhet ta lërë karrierën sepse po nuk e le, nuk shihesh me partnerin. Rrija në shtëpi, laja, shpëlaja, gatuaja… Pasi mora veten nga lindja e fëmijës, doja t’i kthehesha karrierës. Doja të mos isha e varur dhe të mos rrija e mbyllur në shtëpi”, u shpreh Erjona.
