Pezullohet për një vit gjyqi në ngarkim të shtetasit Bledar Jambelli. Ky i fundit është personi i dyshuar si porositësi dhe urdhëruesi i vrasjes së komisar Artan Cukut.
Bledar Jambelli gjykohet në mungesë, ndërsa pezullimi i gjyqit mësohet se është bërë me qëllim njoftimin e të pandehurit.
Ai mban edhe emrin Rikardo Muho. Nga hetimet ka rezultuar se Cuku u vra për shkak të detyrës dhe ne burg për ketë ngjarje, është autori i dyshuar Mikel Shallari.
Dyshohet se Jamblelli ka kontraktuar Shallarin dhe e ka paguar për të kryer vrasjen. Si fillim Jambelli i dha Mikel Shallarit 3 mijë euro. Ndërkohë që pjesa tjetër e parave do t’i jepej pasi të përfundonte punën.

Kryekomisari i ndjerë Cuku, në dhjetor të vitit 2012 kishte arrestuar shtetasin Bledar Jambelli.
Arrestimi i tij u krye për vrasjen e Armando Delajt, ngjarje e ndodhur në po në vitin 2012. Së fundi mësohet se Jambelli është shpallur në kërkim ndërkombëtar nga Krimet e Rënda.
“Shtetasi Bledar (Rikardo) Jambelli (Muho) shpallet në kërkim me kartelë të ‘kuqe’, pasi më shkresën nr.3303, datë 17 prill 2018, Prokuroria e Krimeve të Rënda, Tiranë, ka dërguar urdhrin e datës 12 qershor 2017 për ekzekutimin e vendimit nr.292, të datës 12 qershor 2017 të Gjykatës së Krimeve të Rënda, e cila ka caktuar masën e sigurisë ‘arrest me burg’ për veprën penale ‘Vrasje e punonjësit të policisë së shtetit”, në bashkëpunim, parashikuar nga neni 79/b të Kodit Penal. E ndjek Seksioni për Krimet ndaj Jetës. Të ndalohet”, ky është urdhri i shpalljes në kërkim ndërkombëtar të Bledar Jambellit./TIRANA TODAY/