Të dominosh në kampionatin italian, qoftë edhe për shtatë apo tetë vite me radhë nuk është shumë fitimprurëse, të paktën duke parë shpenzimet e mëdha të Juventusit, aq më shumë pas afrimit të Cristiano Ronaldos. Për këtë arsye, misioni i bardhezinjve është fitorja e Ligës së Kampionëve dhe konfirmimi në nivelet e larta në Europë, duke qenë se përfitimet nga UEFA janë stratosferike.
Gjithsesi, duke kaluar në detaje, borxhi i mbartur nga një sezon më parë ka qenë 74.5 milionë euro, por duke shtuar edhe 175 milionët që sapo janë marrë borxh, si dhe kostot e rrogës dhe pagës së Ronaldos, borxhi aktual që pranohet nga vetë klubi bardhezi kap shifrën e 384.3 milionë eurove. Gjithsesi, kjo shifër është pa llogaritur fitimet finale në sezonit 2018-2019.
