Edon Zhegrova prej ditësh përflitet në merkato, për një largim nga Genku, skuadra belge, në të cilën ai aktivizohet. Interes për yllin e Kosovës kanë shfaqur skuadra të mëdha, si Barcelona, Milani dhe së fundmi Igli Tare nga Lazio.
Nga ato që mediat zviceriane raportojnë, Zhegrova do të bashkohet me Taulant Xhakën, te Bazeli, në kampionatin zvicerian. Lojtari pritet të firmosë në orët e fundit të merkatos dhe do të kalojë në formën e huazimit deri në fund të sezonit, me skuadrën që aktvizohet dhe lojtari i Kombëtares shqiptare Xhaka.
Zhegrova ditët e fundit është kërkuar dhe nga Igli Tare, i cili e donte lojtarin në Romë, për ta bërë një “lacial”. 19-vjeçari mbahet si një nga talentet më të mira të Kosovës dhe pritet që të “rrëmbejë” skenën futbollistike në vitet vijuese.
