Sandro Tonali është një nga zbulimet më të mëdha në Serie A këtë sezon, ku ka treguar paraqitje të shkëlqyera me Brescia.
Pikërisht për shkak të formës së mirë që ai ka kaluar, shumë ekipe janë vënë në gjurmët e tij. Juventus dhe Inter e ndjekin atë prej kohësh, teksa së fundmi garës i është bashkuar edhe Milan që gjithashtu dëshiron ta marrë në ekip..
Megjithatë në një intervistë të dhënë së fundmi, presidenti i Brescia, Massimo Cellino i ka sugjeruar lojtarit dy ekipe të tjera: “Do doja ta mbajë për jetë Tonalin, por kam bërë një marrëveshje me të dhe dua ta mbaj fjalën.
Ekipin e ardhshëm do ta zgjedhë ai vetë. Unë do i sugjeroja atij Romën ose Napolin, pasi aty do të përjetonte më shumë emocione. Ai është një djalosh i talentuar, që nëse vazhdon të punojë me kokën ulur, do të bëhet një Iniesta i ri.”, u shpreh Cellino.
