Pas padisë të shtatë zyrtarëve ndaj ministres teknike Mirela Karabina ka ardhur edhe reagimi i MAS.
Në një deklaratë për mediet, thuhet se parregullsitë dhe situata antiligjore në Ministrinë e Arsimit dhe Sportit të deklaruara nga Ministri Mirela Karabina, që në javën e dytë në drejtim të këtij institucioni, po vërtetohen nga akti i prononcimit publik, këtë herë edhe nga disa punonjës së institucionit të MAS.
Veprime të tilla dëshmojnë domosdoshmërinë urgjente të reformimit rrënjësor të administratës publike.
Po ashtu në fund të këtij prononcimi Ministria fton institucionin e Prokurorisë të hetojë me seriozitetin më të madh këtë situatë absurde të krijuar në MAS.
Kujtojmë se shtatë drejtorë të Ministrisë së Arsimit kanë kallëzuar në prokurori ministren teknike të PD-së, Mirela Karabina. Mësohet se kallëzimi penal është bërë për shpërdorim detyre, me pretendimin se ka intimiduar stafin e MAS.
