Ilda Bejleri është nga ato personazhe publike që gjithmonë hap polemika dhe lë jo pak vend për diskutime. Pak kohë më parë, kishte një debat të hapur me Mustafa Nanon i cili e kishte kritikuar për veshjet e saj në daljet publike, ndërkohë që këtë debat Ilda nuk ka ngurruar ta rikujtojë edhe njëherë në emisionin ‘Procesi Sportiv’.
“Unë nuk e di pse më thonë se e hap shumë dekoltenë. Vetëm Muçi në fakt e ka pasur shumë problem. Dekoltenë e hap aq sa më lejon të hap gojën dhe jo më shumë. Është diçka më se normale. Mbaj mend që para 5 vitesh vishja një golf deri në fyt dhe më pas vazhdova ta ul pak golfin deri sa jam tani. E hap dekoltenë aq sa hap gojën”, tha Ilda Bejleri. Sakaq, nuk ka ngurruar një përgjigje nga Gëzim Sinemati i cili me kuadrin e shakasë ia kthen:
“Ilda, e di si më duket ky krahasimi që i bëre vetes me kohën kur vishje golf? Si disa ndeshje futbolli në Shqipëri. Janë disa lloje ndeshjesh që më të lehtë e ke t’i zbulosh sesa t’i mbulosh. Bëj ç’të duash, ato ndeshje nuk mbulohen”, ia ktheu Sinemati.
