Mediat greke po i bëjnë jehonë vrasjes së Kostandinos Kaçifen. Ata shkruajnë se vrasja e komandos ka thyer rëndë zemrën e nënës së tij.
Sipas shtypit grek, deri në orët e vonë të mbrëmjes në djeshme e ëma e 35-vjeçarit nuk kishte qenë në dijeni të ngjarjes.
Por, me të mësuar lajmin e rëndë nëna e tij ka pësuar gjendje shoku. Ndërsa shumë të afërm e fqinj të grekut ende nuk e besojnë këtë lajm.
Shumë prej fshatarëve thonë se Kaçifen ka qenë në shënjestër nga autoritetet shqiptare për shkak të qëndrimit të tij për Greqinë.
Sipas tyre ai ka qenë i armatosur por që nuk ka qëlluar kundër askujt.
Nga ana tjetër, në një njoftim të lëshuar nga policia shqiptare, thuhet se 35 vjeçari ka qëlluar për 30 minuta në drejtim të efektivëve.
Edhe pse policia i kishte bërë thirrje për t’u dorëzuar dhe për të lëshuar armën, ai kishte refuzuar.
Thuhet se nëna e 35-vjeçarit do t’u dërgojë një kërkesë autoriteteve greke.
Sipas burimeve, nëse ambasada greke në Tiranë vendos që autopsia e trupit të të ndjerit do kryhet në Shqipëri, nëna e tij do kundërshtojë.
Ajo do të kërkojë që autopsia e trupit të djalit të saj të bëhet në Greqi.
Aktualisht trupi i pajetë i grekut ndodhet në murgun e spitalit të Gjirokastrës, ku pritet të kryhet një autopsi e pavarur./TIRANA TODAY/
