Kryeministri Edi Rama nuk la pa përmendur sot çizmet gjatë fjalimit të tij në rastin e 26-vjetorit të FRESSH-it.
Madje, Rama përmendi firmën “ÇÇ” (çadra e çizmeve), duke iu referuar aleancës PD-LSI, nga radhët e të cilëve tha se po flasin për prishje të marrëdhënieve me grekët.
“Ka lloj-lloj kanakarësh të politikës së mbledhur tek ajo firma e “Ç Ç” Çadra e Çizmeve që thonë se në jemi shkaktarët për prishjen e marrëdhënieve me grekët. Fakti është që ne po negociojmë dhe kemi gjetur hapësira të reja,” deklaroi Rama.
Edhe fjalimin zgjodhi ta mbyllte duke iu referuar gjuajtjes me çizme nga kryetarja e LSI-së, Monika Kryemadhi, ndërsa u zotua se PS do ta bëjë Shqipërinë anëtare të BE-së.
“Me çizme pa çizme, me taka pa taka, me këpucë, pa këpucë kanë vetëm një gjë që mund të bëjnë: duke e dëmtuar Shqipërinë në 6 muaj historike.
Sa për ne, ne e bëmë Shqipërinë kandidate, ne do e bëjmë anëtare”, përfundoi Rama.
