Një telefonatë e rremë ka shkaktuar alarm për bombë në makinën e gjyqtarit Markelian Kuqo në Korçë. Gjyqtari Kuqo ka marrë një telefonatë, e cila thoshte se në makinën e tij është vendosur një bombë.
Policia ka bërë menjëherë kontrollin e makinës së tij, e cila ishte parkuar përpara Gjykatës së Korçës, por brenda saj nuk është gjetur asgjë.
Markelian Kuqo është gjyqtari i Gjykatës së Korçës, që mori sot një telefonatë ku i thoshin se i kanë vendosur bombë në mjetin e tij. Emri i tij u lakua disa kohë më parë, për shkak të një vendimi për lirimin nga burgu të atij që cilësohet si “i forti i Tiranës”, Gerd Gjinerari, apo i njohur ndryshe si Gerd Gjenerali.
Alarm për bombë në makinën e gjyqtarit, një telefonatë e sinjalizoi
