Dy djemtë e Azem Hajdarit, Kirjald dhe Azem Hajdari janë ndaluar nga policia. Ngjarja ka ndodhur më 2 janar, kur dy vëllezërit Hajdari u arrestuan në pikën kufitare të Muriqanit.
Arrestimi i tyre u bë pasi ata kanë dhunuar një person, të identifikuar si M. Margjeka më 27 dhjetor, pranë Varrezave të Dëshmorëve në kryeqytet, pas një sherri për motive të dobëta. Mbi ta rëndon akuza e “plagosjes së lehtë me dashje”. Dy vëllezërit, pasi janë marrë në pyetje për konfliktin në fjalë, janë lënë të lirë me kërkesë të Prokurorisë.
Njoftimi i policisë:
Më datë 02.01.2018, në PKK Muriqan, u kapën vëllezërit shtetasit A.H, vjeç 19 dhe K.H vjeç 32 banues në Tiranë, të shpallur në kërkim për veprën penale “Plagosja e lehtë me dashje”, neni 89 i Kodit Penal. Pas konsultimit me Prokurorin dhe kryerjes së veprimeve proceduariale u lanë në gjendje të lirë. Materialet iu dërguan Prokurorisë së Rrethit Gjyqësor Tiranë.
