Një i burgosur, i dënuar për përndjekje është arratisur nga salla e gjyqit në Gjirokastër.
Ngjarja ka ndodhur para disa minutash, ku i burgosuri i identifikuar si Saimir Ahmeti, 26 vjeç, është arratisur nga salla e gjyqit, kur i është komunikuar masa e arrestit, e cila është lënë në fuqi.
I burgosuri ka kërkuar të shkojë në tualet për të kryer nevojat personale, ku ka përfituar për t’u larguar.
Njoftimi i policisë:
Rreth orës 11:50 i ndaluari Saimir Ahmeti, 24 vjeç, banues në fshatin Vanë, Delvinë, ka mundur të largohet nga ambientet e Gjykatës së Apelit Gjirokastër, ku ishte i shoqëruar nga shërbimet e Policisë së Burgut Sarandë. Shërbimet e Policisë së Burgjeve nuk kishin kërkuar masa mbështetëse nga Drejtoria Vendore e Policisë Gjirokastër për siguri shtesë, gjatë zhvillimit të seancës gjyqësore. Shërbimet e Policisë së Shtetit në Gjirokastër sa morën njoftim janë angazhuar maksimalisht për kapjen e shtetasit Ahmeti.
