Theresa May ka njoftuar në një deklaratë për shtyp se do të japë dorëheqjen si kryeministre e Mbretërisë së Bashkuar, pas tre vitesh përpjekje që u finalizuan me dështimin për të sjellë BREXIT.
Po ashtu, May njoftoi se do të japë dorëheqjen si lidere e Partisë Konservative të premten më 7 qershor.
Njoftimi i saj shkakton fillimin e një gare për ta zëvendësuar atë si udhëheqëse e konservatorëve dhe kryeministre.
“Që kur kam marrë detyrën, kam luftuar për ta bërë Mbretërinë e Bashkuar një vend që punon jo vetëm për disa të privilegjuar, por për të gjithë dhe për të nderuar rezultatin e referendumit. Kam bërë më të mirën për të arritur Brexit, kam tentuar tre herë. Po largohem pa asnjë vullnet negativ”, u shpreh May.
Në fund të deklaratës, ajo thotë se ka qenë nderi i jetës së saj për të mbajtur postin e kryeministrit, teksa mban lotët dhe shton se i ka shërbyer vendin që ajo dashuron./ Tirana Today
