Trajneri i Partizanit, Sulejman Starova është shkarkuar nga posti i tij. Mësohet se shkarkimi vjen pas rezultateve të fundit të dobëta të ekipit të Partizanit, teksa në 5 ndeshjet e fundit, ky ekip ka siguruar vetëm një fitore.
Starova ishte rikthyer për herë të pestë si trajner i Partizanit, ndërsa pas shkarkimit, vendin e tij mësohet se e zë Klevis Dalipi.
NJOFTIM PER MEDIAT
Pas barazimit 1 – 1 të arritur në Durrës ndaj Teutës bordi drejtues i klubit zhvilloj mbrëmjen e së dielës një mbledhje urgjente. Duke analizuar situatën aktuale dhe objektivat që ekipi synon për pjesën e mbetur të sezonit, drejtuesit e klubit kanë kërkuar dorëheqjen e Sulejman Starovës nga drejtimi i ekipit, vendim i cili është pranuar edhe nga traineri Starova. Në vijim të sezonit futbollistik drejtimin e skuadrës do ta marrë Klevis Dalipi. Një ndryshim i tillë është konsideruar i domosdoshëm nga drejtuesit në kuadër të strategjisë së rinovimit dhe për ti dhënë një impuls pozitiv lojës dhe rezultateve të skuadrës. Klubi falenderon trainerin Sulejman Starova për kontributin e dhënë gjatë këtyre viteve në klub dhe në drejtimin e skuadrës.
