Kryeministri Edi Rama duket se ka hequr dorë nga emri i Gent Cakajt, për vendosjen në krye të Ministrisë së Jashtme. Mësohet se ai ka vendosur t’i japë fund ngërçit të krijuar mes tij dhe presidentit, duke vendosur që të marrë vetë drejtimin e Ministrisë së Jashtme. Asgjë nuk është ende zyrtare, por burime pranë PS thonë se Rama u ka komunikuar vendimin të majtëve sot në mbledhjen e Kryesisë.
Thuhet se Rama do të mbajë postin e Ministrit të Jashtëm deri në momentin që Gjykata Kushtetuese të shprehet për ngërçin e krijuar mes tij dhe Presidentit lidhur me çështjen e mosdekretimit.
Kjo është një zgjidhje e njëjtë me atë që ndërmori para pak kohësh kryeministri grek, Tsipras pas dorëheqjes së Kotzias.
