Komisioni i Pavarur i Kualifikimi ka shtyrë vendimin për kryetaren e Prokurorisë së Krimeve të Rënda, Donika Prelën. Mësohet se vendimi për Prelën do të jepet më 5 shkurt në orën 09:00.
KPK konstatoi probleme në deklarimin e pasurisë nga Prela. Në seancën e ballafaqimit në KPK përfaqësuesi i Operacionit Ndërkombëtar të Monitorimit, Theo Jacobs i tha hapur: “Dosja juaj më la një shije të keqe”, ndërsa i kërkoi llogari drejtueses së Krimeve të Rënda, Donika Prelës, për disa probleme në lidhje me pasurinë e saj.
Edhe Partia Demokratike e ka pasur prej ditësh nën akuzë Prelën, ndërsa së fundmi e akuzoi si pjesë e përgjimeve me kreun e bandës së Avdylajve. Po ashtu, Çlirim Gjata sulmoi Institucionin e Vettingut duke e akuzuar për standard të dyfishtë lidhur me çështjen Prela.
