Të paktën 48 persona kanë mbetur të plagosur si pasojë e përplasjes së një treni hekurudhor në stacionin Francia, në Barcelonë.
Mes të plagosurve, raportohet se 5 prej tyre janë në gjendje të rëndë, ndërsa 18 të lënduar kanë nevojë për ndihmë mjekësore.
Sipas shërbimeve emergjente, treni po vinte nga fshati Sant Vicenc de Calders në provincën e Tarragona në vijën R2 të shërbimit hekurudhor të rrugës Rodalies.
Nuk dihet ende shkaku i përplasjes së trenit, ndërsa dëshmitarët janë tronditur nga aksidenti.
