Arrestohet në Greqi një shqiptar i shumëkërkuar, i cili përdorte plot 7 emra, 10 mbiemra e 6 atësi.
Në pranga ka rënë një 44-vjeçar nga Saranda, i cili njihej si “Mërkuri”. Ai u kap në lagjen Kalithea të Athinës, bashke me një tjetër shqiptar 29-vjeç.
Në momentin e arrestimit, shqiptarit iu gjet një pistoletë. Ndërsa ndaj 29-vjeçarit kishte urdhër arresti për vjedhje.
Identiteti i 44-vjeçarit u vërtetua në vitin 2008 pas bashkëpunimit me policinë shqiptare.
Ai u arrestua në Greqi në vitin 2008 për një sërë grabitjesh, kundërshtim me armë të policisë, por dhe për një vrasje të ndodhur në Greqi si shenjë hakmarrje për një tjetër vrasje të ndodhur në Sarandë në fillim të viteve ‘90.
